Ýaponiýanyň Premýer-ministri Sigeru Isiba Türkmenistanyň Prezidentine hem-de türkmen halkynyň Milli Lideri, Türkmenistanyň Halk Maslahatynyň Başlygyna hat iberdi. Şol hatynda ýapon Hökümetiniň Baştutany Premýer-ministr wezipesine bellenilmegim mynasybetli iberen gutlaglary üçin hoşallyk bildirip, Türkmenistanyň Prezidentiniň geljek ýyl Ýaponiýa amala aşyrjak saparyna sabyrsyzlyk bilen garaşýandygyny belledi.
Hususan-da bu hatlarda şeýle diýilýär:
Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA
Siziň Alyhezretiňiz!
Premýer-ministr wezipesine bellenilmegim mynasybetli iberen gutlagyňyz we hoşniýetli sözleriňiz üçin Size tüýs ýürekden hoşallygymy beýan etmek isleýärin.
Türkmenistan kanunylyga esaslanýan erkin we açyk halkara gatnaşyklary berkarar etmekde Ýaponiýanyň möhüm strategik hyzmatdaşy bolup durýar. Ýurtlarymyzyň arasyndaky gatnaşyklaryň dürli ugurlarda, şol sanda ykdysady, ylmy-tehniki, medeni ulgamlarda yzygiderli ösdürilýändigi guwandyryjydyr. Şeýle hem men Siziň Alyhezretiňiziň Osaka şäherinde geçiriljek «EKSPO — 2025» Bütindünýä sergisi mynasybetli geljek ýyldaky saparyňyza we Siziň bilen duşuşmaga sabyrsyzlyk bilen garaşýaryn.
Şu ýylyň awgustynda geçirilmegi meýilleşdirilen sammit garaşylmadyk ýagdaýlar sebäpli yza süýşürildi. Ýaponiýa bilen Türkmenistanyň arasyndaky oňyn gatnaşyklary mundan beýläk-de pugtalandyrmak maksady bilen, şu ýyl 20 ýyllygy bellenilýän “Merkezi Aziýa — Ýaponiýa” dialogynyň çäklerinde Siziň Alyhezretiňiz bilen işjeň hyzmatdaşlyk etmegi maksat edinýärin.
***
Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly BERDIMUHAMEDOWA
Siziň Alyhezretiňiz!
Premýer-ministr wezipesine bellenilmegim mynasybetli iberen gutlagyňyz we hoşniýetli sözleriňiz üçin Size tüýs ýürekden hoşallygymy beýan etmek isleýärin.
Ýaponiýanyň hem-de Türkmenistanyň köp ýyllaryň dowamynda dostluga, ynanyşmaga esaslanýan özara bähbitli hyzmatdaşlygy saklap gelýändiklerine begenýärin. Siziň Alyhezretiňiziň saldamly goşandyňyz, şol sanda Ýaponiýa amala aşyran saparlaryňyz ýurtlarymyzyň arasyndaky, şol sanda syýasy, ykdysady, medeni ulgamlardaky gatnaşyklaryň pugtalandyrylmagynda möhüm ähmiýete eýedir. Alyp barýan işiňiz üçin Size tüýs ýürekden hormatymy beýan etmek isleýärin.
Ýaponiýa bilen Türkmenistanyň arasyndaky oňyn gatnaşyklary mundan beýläk-de ösdürmek üçin Siziň Alyhezretiňiz bilen işjeň hyzmatdaşlyk etmegi maksat edinýärin.
Sigeru ISIBA,
Ýaponiýanyň Premýer-ministri.