“GabalaFest” festiwalynyň çäklerinde «Medeniýetleriň çatrygy» atly ilkinji halkara sungat sergisi geçirildi.
“AZERTAJ” agentliginiň habar bermegine görä, sergi Azerbaýjandan, Hytaýdan, Germaniýadan, Wengriýadan, Gazagystandan, Koreýa Respublikasyndan, Russiýadan, Türkiýeden, Türkmenistandan, Birleşen Patyşalykdan we Özbegistandan gelen 30-dan gowrak meşhur sungat ussadyny bir ýere jemledi. Taslama suratkeşlik, heýkeltaraşlyk we fotosurat arkaly medeniýetleriň, däp-dessurlaryň hem-de nesilleriň arasynda çeper dialogy ösdürmäge gönükdirilendir.
Ekspozisiýada dünýäniň dürli ýurtlaryndan bolan meşhur ussatlaryň çeper ussatlygyny we medeni dialogy şöhlelendirýän eserleri görkezilýär. Sergä Akmal Nur, Alpysbaý Kazgulow, Arif Aziz, Aýan Aziz Mamedowa, Aýlýal Geýdarowa, Jawlon Umarbekow, Jeff Robb, Jasar Mamedow, Deýwid Begbi, Elşad G. Aliýew, Jambyl Natbaýew, Çžen Guansýu, Gahryman Goçmyradow, Leýla Aliýewa, Mazahir Rustamow, Nigýar Bagyrowa, Omar Eldarow, Rafael Aliýew, Refik Aziz, Raşad Mehdiýew, Roýa Hasan, Sakit Mamedow, Safranda Abdullaýewa, Samedaga Jafarow, Şahla Gahramanly, Tamaş Ýanoş Molnar, Tolkyn Tabysbek, Ulwiýa Gamzaýewa, Ýonmo Çun, Ýong Wu Li, Ýens Hesse we Ýuristanbek Şygaýew ýaly suratkeşler we heýkeltaraşlar gatnaşýar.
Serginiň täsirli eserleriniň hatarynda Türkmenistandan Gahryman Goçmyradowyň eserleri aýratyn orun eýeleýär. Onuň döredijiliginde häzirki zaman şekillendiriş sungatynyň ajaýyp nusgalary özünde jemleýär we milli medeni miras bilen sazlaşykly utgaşdyrýar.