Şu ýylyň noýabr-dekabr aýlarynda Katarda geçiriljek futbol boýunça dünýä çempionatyna Ýewropadan gatnaşjak ýygyndylary kesgitlejek pleý-off tapgyrynyň duşuşyklary geçirildi.
Şol duşuşyklarda Demirgazyk Makedoniýa garaşylmadyk netije gazandy. Olar Ýewropanyň çempiony Italiýany 1:0 hasabynda ýeňmegi başardy. Şeýlelikde, Italiýa Katardaky dünýä çempionatyna gatnaşmakdan mahrum galdy. Italiýa ikinji gezek dünýä çempionatyna gatnaşmak hukugyny ýitirdi. 2018-nji ýylda Russiýada geçirilen çempionata hem gatnaşyp bilmändi. Italiýa soňky gezek 2014-nji ýyldaky çempionata gatnaşypdy.
Pleý-off tapgyrynyň beýleki duşuşyklarynda Portugaliýa Türkiýäniň milli ýygyndysyny 3:1 hasabynda ýeňdi.
Demirgazyk Makedoniýa Portugaliýa bilen duşuşar.
GEÇIRILEN DUŞUŞYKLARYŇ NETIJELERI:
Portugaliýa – Türkiýe 3:1
Şwesiýa – Çehiýa 1:0
Italiýa – Demirgazyk Makedoniýa 0:1
Uels – Awstriýa 2:1