«Inter Maýami» topary «Krus Asul» toparyny ýeňip, Baş futbol ligasynyň (MLS) ýeňijisi bilen Meksikanyň çempionynyň arasynda oýnalýan Kampeones kubogynyň eýesi boldy.
Duşuşyk 2:0 hasabynda tamamlandy. Golary Lionel Messi we Kazemiro geçirdi. 39 ýaşly argentinaly hüjümçi «Inter Maýami» üçin 115-nji oýnunda 100-nji goluny geçirdi.
Messiniň futbol karýerasynda indi jemi 929 goly bar: klub derejesinde 795 gol we milli ýygyndy derejesinde 125 gol. Bu netijä ýetmek üçin oňa 1175 oýun gerek boldy.
Ol amerika klubynda 115 oýunda 100 gol, «PSŽ-de» 75 oýunda 32 gol, «Barselonada» bolsa 778 oýunda 672 gol urdy. Argentina milli ýygyndysy üçin ol 207 oýun geçirdi.