Lionel Messi milli ýygyndynyň düzüminde soňky duşuşygyny geçirdi. Argentinanyň milli ýygyndysyndaky hoşlaşyk duşuşygynda Messi bir gol geçirdi. Oýundan soň bolsa münbere ýüzlenip, 10 minutlyk çykyş etdi.
Messi milli ýygyndydaky karýerasyny tamamlaýandygyny awgust aýynyň ahyrynda mälim edipdi.
«Men milli ýygynda ähli güýjümi berdim, indi oňa başga berip biljek zadym ýok. Mundan başga-da, meniň yzymdan milli ýygynda üçin mynasyp bolan ajaýyp ýaş futbolçylar gelýär we olara-da öz mümkinçiliklerini görkezmäge şert döredilmeli», diýip, şol wagt Argentinanyň 39 ýaşly kapitany ýazypdy.
Argentinanyň futbol boýunça milli ýygyndysy Günorta Amerikanyň ýyldyz hüjümçisi Lionel Messiniň milli ýygyndydaky hoşlaşyk duşuşygynda Beniniň toparyny 3:0 hasabynda ýeňdi.
Duşuşyk başlamazdan öň meýdança çykan futbolçylary täsirli feýerwerk garşy aldy. Meýdançada Argentinanyň milli ýygyndysynyň 10-njy belgili we «gracias» («sag bol») diýen ýazgyly äpet futbolkanyň keşbi emele getirildi.
Rowaýata öwrülen hüjümçi ilkinji gezek Argentinanyň milli ýygyndysynyň düzüminde 2005-nji ýylyň awgustynda Wengriýa bilen geçirilen ýoldaşlyk duşuşygynda (2:1) çykyş edipdi.
Messi milli ýygyndydaky karýerasynda 208 duşuşyk geçirip, 126 gol geçirdi we 69 netijeli pas berdi. Ol Argentinanyň düzüminde 2022-nji ýylyň dünýä çempionatynda, şeýle hem 2021-nji we 2024-nji ýyllarda Amerika kubogynda hem-de 2022-nji ýylda Finalissimada ýeňiji boldy.
2022-nji ýylda Argentina dünýä çempiony boldy. Dört ýyl soň bolsa ýene-de finala çykdy, emma bu gezek Ispaniýadan asgyn geldi.
Klub derejesinde Messi futbol karýerasyny dowam etdirer. Onuň ABŞ-nyň MLS ligasynda çykyş edýän «Inter Maýami» kluby bilen şertnamasy 2028-nji ýyla çenli hereket edýär.