Rim Papasy Fransisk aradan çykdy. Bu barada Watikanyň metbugat gullugy habar berýär. Ol 21-nji aprelde ýerli wagt bilen 7:35-de aradan çykyp, Rim papasynyň 88 ýaşandygy habar berildi.
– Ol tutuş ömrüni Taňra we ybadathanasyna gulluk etmek bilen geçirdi. Ol bize dogruçylyk, mertlik we ähli zatlara söýgi gymmatlyklary esasynda ýaşamagy öwretdi – diýip, Watikanyň kardinaly Kewin Farrell belläp geçdi.
Rim Papasy Fransisk asyl ady Horhe Mario Bergolo 1936-njy ýylyň 17-nji dekabrynda Argentinanyň Buenos-Aýres şäherinde dünýä indi. Ol ilkinji ýokary bilimi boýunça himik-tehnolog, soňra dini ylmy özleşdirdi.
Ol 2013-nji ýylyň 13-nji martynda Rim Papasy hökmünde saýlandy. Rim Papasy Argentinanyň “San-Lorenso de Almagro” futbol toparynyň janköýeridir. Şeýle hem ol argentin aktrisasy Tita Merelýonyň gatnaşmagyndaky çeper filmleri gowy görýärdi.
Rim Papasy ispan, italýan we nemes dillerinde erkin gürläp bilýär, şol san-da, latyn, fransuz, portugal we iňlis dillerini bilýärdi.
Köp wagtdan bäri birnäçe keselden ejir çekýän Rim Papasy 20-nji aprelde hristianlaryň Pasha baýramçylygy mynasybetli halk köpçüligi bilen didarlaşdy we şol gün ABŞ-nyň wise-prezidenti Jeý di Wens bilen duşuşdy.