Şu gün Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik geçirildi.
Özbegistan Respublikasynyň Prezidentiniň metbugat gullugynyň habar bermegine görä, taraplar şu hepdäniň ahyrynda Özbegistanyň Samarkant şäherinde geçiriljek Türki döwletleriň guramasynyň sammitiniň gün tertibini ara alyp maslahatlaşdylar.
Şeýle hem iki ýurduň arasyndaky dostluk gatnaşyklaryny, hoşniýetli goňşuçylyk we strategiki hyzmatdaşlygy mundan beýläk-de ösdürmegiň we çuňlaşdyrmagyň möhüm meselelerine garaldy.
Özbegistanyň Prezidenti Şawkat Mirziýoýew Türkmenistanyň Prezidenti Serdar Berdimuhamedowyň adyna iň gowy arzuwlaryny ýetirdi.
Özbegistanyň Prezidentiniň şu ýylyň 20-21-nji oktýabrynda Türkmenistana amala aşyran saparynyň duşuşyklarynyň we çäreleriniň netijelerine ýokary baha berdiler.
Ylalaşylan şertnamalaryň we gol çekilen ylalaşyklaryň iş ýüzünde durmuşa geçirmegiň, şol sanda işjeň parlamentara gatnaşyklary we alyş-çalyşlary dowam etdirmegiň ähmiýeti bellendi.
Şeýle hem şu hepdäniň ahyrynda Samarkant şäherinde geçiriljek Türki döwletleri guramasynyň sammitiniň gün tertibindäki meseleler ara alnyp maslahatlaşyldy.