Eýran Yslam Respublikasynyň Türkmenistandaky ilçihanasynyň Medeniýet merkezi Eýranyň däp bolan mata ýüzüne surat çekmek we nagyş salmak sungatyna bagyşlanan ussatlyk sapaklarynyň tapgyryny geçirer.
Eýranly mugallym Zähra Sadat Hosseýnizade gatnaşyjylara gadymy senediň syrlaryny we häzirki zaman çeperçilik usullaryny öwreder.
📅 Okuw maksatnamasy 2026-njy ýylyň 23-nji noýabrynda başlanar.
Okuw 30 akademiki sagada niýetlenip, hersi 2,5 sagat dowam edýän 12 amaly sapagy öz içine alýar. Maksatnama bu ugra ýaňy başlaýanlar, şeýle hem bezeg-amaly sungat boýunça tejribesi bolanlar üçin niýetlenendir.
Ussatlyk sapaklaryna gatnaşyjylar:
🔹 Eýranyň çeper nagyş sungatynyň taryhy, nagyşlary we pelsepesi bilen tanyşarlar;
🔹 Dürli görnüşli matalara reňkleri ulanmagyň başlangyç we kämilleşdirilen usullaryny özleşdirerler;
🔹 Ussadyň ýolbaşçylygynda özboluşly döredijilik eserlerini dörederler.
📍 Geçiriljek ýeri: Eýran Yslam Respublikasynyň Türkmenistandaky ilçihanasynyň Medeniýet merkezi.
📌 Salgysy: Aşgabat şäheri, Magtymguly şaýoly, 100-nji jaý.