Türkmenistanyň Mejlisiniň deputatlarynyň saýlawlary boýunça sagat 13-e çenli saýlawçylaryň 53,41% ses berdi.
Has takygy, saýlawçylaryň 54-nji “Baýdak” saýlaw okrugynda – 56,56%, 106-njy “Wekil” saýlaw okrugynda – 52,11%, 109-njy “Sakarçäge” saýlaw okrugynda – 51,31% ses berdi.
Welaýat, Aşgabat şäher Halk maslahatynyň agzalarynyň saýlawlary boýunça sagat 13-e çenli saýlawçylaryň 65,30% ses berdi.
Has takygy, saýlawçylaryň Ahal welaýatynda 68,01%, Lebap welaýatynda 65,58%, Aşgabat şäherinde 65,01% ses berdi.
Etrap, şäher Halk maslahatynyň agzalarynyň saýlawlary boýunça sagat 13-e çenli saýlawçylaryň 57,39% ses berdi.
Has takygy, saýlawçylaryň Ahal welaýatynda 67,88%, Balkan welaýatynda 58,55%, Daşoguz welaýatynda 59,33%, Mary welaýatynda 51,38%, Aşgabat şäherinde 60,50% ses berdi.
Geňeşleriň agzalarynyň saýlawlary boýunça sagat 13-e çenli saýlawçylaryň 60,90% ses berdi.
Has takygy, saýlawçylaryň Ahal welaýatynda 67,92%, Balkan welaýatynda 76,24%, Daşoguz welaýatynda 55,79%, Lebap welaýatynda 62,05%, Mary welaýatynda 51,31% ses berdi.
Ses bermek dowam edýär.
Saýlawlar boýunça saýlawçylaryň jemi 201823-si hasaba alyndy.
Has takygy, Ahal welaýatynda 34125-si, Balkan welaýatynda 6541-si, Daşoguz welaýatynda 43423-si, Lebap welaýatynda 29567-si, Mary welaýatynda 70873-si, Aşgabat şäherinde 17294-si hasaba alyndy.
Türkmenistan boýunça Mejlisiň deputatlarynyň üçüsi, halk maslahatlarynyň agzalarynyň 20-si we Geňeşleriň agzalarynyň 102-si saýlanylar. Şunuň bilen baglylykda, 125 saýlaw okrugy hem-de 222 saýlaw uçastogy hereket edýär.
Uçastok saýlaw toparlary 31-nji martda 7-den sagat 19-a çenli işläp başlady. Saýlawlaryň başlanjak senesinden ozal 10 günüň dowamynda haýsydyr bir sebäpler bilen şol gün ýaşaýan salgylaryndan başga ýerlerde bolýan Türkmenistanyň raýatlaryna möhletinden öň ses bermäge hukuk berilýär.
Ähli saýlaw okruglarynda bir orna 2 — 3 dalaşgär hödürlenildi. Ýurdumyzyň Demokratik partiýasy, Senagatçylar we telekeçiler partiýasy, Agrar partiýasy hem-de raýatlar toparlary öz dalaşgärlerini hödürlediler.
Saýlawlary we ses berişlikleri http://www.saylav.gov.tm/tk/streams saýtyndan onlaýn görnüşde görmek bolar.