Ýer şarynyň iň owadan zenany hökmünde Çehiýanyň wekili Kristina Pyşkowa saýlandy. Hindistanyň meşhur Mumbaý şäherinde “Dünýä gözeli – 2024” bäsleşigi geçirildi.
Bu bäsleşikde Çehiýadan gatnaşan 24 ýaşyndaky Kristina Pyşkowa ýeňiji boldy. Ol hukuk fakultetinde okaýar hem-de hukuk we işewürlik dolandyryjylygy ugrunda bilim alýar. Şol bir wagtda moda we meýletinçilik işleri bilen meşgullanýar.
Tanzaniýada garyp çagalar üçin özüniň iňlis dili mekdebini açdy. Dünýä gözeli bäsleşiginiň ýeňijisi 4 dilde – iňlis, polşa, slowak we german dillerinde gürläp bilýär. Aýdym diňlemegi halaýar, käbir saz gurallary çalýar. Şeýle hem ata münmegi gowy görýär. Özüne ýol-ýörelge edinen güýçli zenany – Koko Şaneldir.
Kristina Pyşkowa “Dünýä gözeli” bäsleşigine gatnaşyp, ýeňiji bolaan ikinji çehiýalydyr.
Bu gezekki bäsleşige 115 döwletden gyzlar gatnaşyp, ikinji orny Liwandan Ýasmin Zaýtun eýeledi.