Ispaniýanyň “El Mundo” neşri Neýmaryň PSŽ bilen baglaşan şertnamasynyň teswirlerini paýlaşdy.
Gazet: “Neýmaryň PSŽ bilen futbolyň ykdysady deňagramlylygyny bozýan şertnama” baglaşandygyny ýazýar. PSŽ Neýmar üçin “Barselona” 222 million ýewro töledi. Emma transferiň umumy mukdary ― aýlyk we bonuslary hasaba alan ýagdaýda 489,228,117 ýewro barabar boldy.
2017-nji ýylyň tomsunda braziliýaly hüjümçi 5 ýyllyk şertnama gol çekdi, oňa ýylyna 43,334, 400 ýewro hak tölendi. Şeýle hem şertnamada altynjy ýyl göz öňünde tutulan, şondan soň klub futbolça wepalylyk üçin bonus hökmünde 50,556,117 ýewro tölenmeli.
Şu tomusda Neýmar şertnamasyny 2025-nji ýyla çenli uzaltdy. “El Mundo”-nyň habaryna görä, pul şertnamasy öňki şertnamanyň soňky ýylynyň şertlerine laýyk düzülen. Şeýle hem, futbolçy klub bilen baglanyşykly ähli görnüş hukuklaryny PSŽ-e geçirdi.