Amerikaly meşhur telealypbaryjy we aktýor Rejis Filbin 88 ýaşynda aradan çykdy. Ol dünýäniň köp döwletlerine ýaýran «Kim millioner bolmak isleýär?» atly gepleşigi taryhda ilkinji bolup alyp baran sungat adamydyr.
89 ýaşyny doldurmagyna bir aýda galanda aradan çykan meşhur alyp baryjy öz adyny Ginnesiň rekordlar kitabyna hem ýazdyryp ýetişipdi. Onuň telegepleşikleriniň umumy möçberi 17 müň sagada çenli baryp ýetdi. Bu bolsa dünýä rekordydyr.