12-nji awgustda, Türkmenistanyň «Arkadag» futbol kluby öz meýdançasynda AFK-nyň Çempionlar ligasy-2-niň deslapky tapgyrynyň çäginde Hindistanyň «Goa» klubyna garşy duşuşyk geçirer. Duşuşyk Arkadag şäheriniň stadionynda geçiriler we ýerli wagt bilen sagat 20:00-da başlanar.
Öňde boljak duşuşyk 2026/27-nji möwsüminde Aziýanyň Futbol Konfederasiýasynyň howandarlygynda geçirilýän halkara ýaryşlarynda Türkmenistanyň wekilçiligini kesgitlemek babatda möhüm ähmiýete eýedir.
Bu duşuşygyň ýeňijisi AFK-nyň Çempionlar ligasy-2-niň toparçalaýyn tapgyryna gatnaşmaga hukuk gazanar.
Utulan topar bolsa AFK-nyň Çagyryş ligasynyň toparçalaýyn tapgyrynda çykyşyny dowam etdirer. Bu ýaryşda ýurdumyza geçen ýylky milli çempionatyň wise-çempiony «Ahal» hem wekilçilik eder.