Gruziýanyň Hökümet administrasiýasynyň ýolbaşçysy Lewan Žoržoliani, Türkmenistanyň Prezidenti Serdar Berdimuhamedowyň döwlet saparynyň çäklerinde Gruziýa saparda bolýan Türkmenistanyň Ministrler Kabinetiniň Başlygynyň orunbasary Nökerguly Atagulyýew bilen duşuşdy. Bu barada Gruziýanyň Hökümet administrasiýasy habar berdi.
Duşuşykda syýasy we ykdysady gatnaşyklar ýaly dürli ugurlarda ikitaraplaýyn hyzmatdaşlygy çuňlaşdyrmagyň mümkinçiliklerine üns berildi.
Taraplar Orta geçelgäni mundan beýläk-de ösdürmegiň geljegini ara alyp maslahatlaşdylar. Şunda Gürjüstanyň bu geçelgedäki strategik ornuna aýratyn ähmiýet berildi. Lewan Žoržoliani Transhazar geçelgesini ösdürmek maksady bilen Gruziýanyp Hökümeti tarapyndan durmuşa geçirilýän iri maýa goýum taslamalary barada türkmen wekiliýetine maglumat berdi.
Şeýle hem duşuşyga Türkmenistanyň söwda we daşary ykdysady aragatnaşyklar ministri Nazar Agahanow gatnaşdy.
Mundan başga-da, gruzin tarapy Tükrmenistanyň wekiliýetiniň beýleki agzalary bilen hem duşuşyklar geçirdi.