Owganystanyň çäginde Türkmenistan-Owganystan-Pakistan-Hindistan (TOPH) gaz geçirijisiniň taslamasyny durmuşa geçirmek işi ýer gatnaşyklary meselelerini çözmek tapgyryna geçýär. 15-nji martda Kabulda Owganystanyň oba hojalyk, suwaryş we maldarçylyk ministri Mewlewi Ataulla Omari bilen “TAPI Pipeline Company Ltd.” konsorsiumynyň ýolbaşçysy Muhammetmyrat Amanowyň we Türkmenistanyň ilçisi Hoja Öwezowyň arasynda duşuşyk geçirildi.
Gepleşikleriň esasy netijeleri:
-
Ýerleri satyn almak mehanizmi: Turbageçirijiniň geçjek ugrundaky hususy we döwlet ýerlerini kireýine almak we satyn almak boýunça nyrhlar kesgitlenýär.
-
Depginleri çaltlandyrmak: M. Amanow gurluşyk meýilnamasyndan yza galmazlyk üçin ýerleri satyn almak işini gysga wagtda tamamlamaga çagyrdy.
-
Hyrat welaýaty: Häzirki wagtda tehniki toparyň gatnaşmagynda Hyratda ugurlary bellemek işleri işjeň alnyp barylýar.
Owgan tarapy TOPH-yň ýurduň ykdysadyýeti üçin strategik ähmiýete eýedigini mälim etdi.