Ýakyn Gündogar sebitindäki ýagdaýlardan ugur alyp, Eýrandaky daşary ýurt raýatlary öz ýurduna dolanmagy ugurnda tagalla edilýär. ABŞ-nyň hökümeti Eýrandaky raýatlaryna öz ýurduna dolanmagy üçin Türkmenistanyň ynsanperwer geçelgesinden peýdalanmak boýunça beýanat bilen çykyş etdi.
ABŞ-nyň Aşgabatdaky ilçihanasynyň jemgyýetçilik tory arkaly habar bermegine görä, Eýrandaky ABŞ-nyň raýatlary Türkmenistanyň ynsanperwer geçelgesinden peýdalanmagy üçin serhtdäki geçiriş-goýberiş nokadyna barmazdan ozal, Türkmenistanyň Hökümetinden ýörite rugsat almalydyr. Bu babatda ABŞ-nyň Aşgabatdaky Ilçihanasy bu rugsadyň alynmagyna ýardam bermek ugurnda tagalla eder.
Türkmenistana girmegi meýilleşdirýän Amerikanyň raýatlary özne degişli şahsy maglumatlary Aşgabatdaky ABŞ-nyň Ilçihanasynyň Amerikanyň raýatlaryna hyzmat ediş bölümine (AshgabatUScitizen@state.gov) ibermelidir.