Azerbaýjan Respublikasynyň Premýer-ministri Ali Asadow Türkmenistana amala aşyran iş saparynyň çäginde Gruziýanyň Premýer-ministri Irakliý Kobahidze bilen duşuşdy.
Bu barada “Trend” habar agentligi Ministrler Kabinetine salgylanyp habar berýär.
A. Asadow Gruziýanyň Premýer-ministrine Azerbaýjan Respublikasynyň Prezidenti Ilham Aliýewiň mähirli salamyny ýetirdi.
I. Kobahidze hoşniýetli arzuwlar üçin minnetdarlyk bildirip, öz gezeginde Azerbaýjan döwletiniň Baştutanyna mähirli salamyny ýetirmegi haýyş etdi.
Duşuşykda söwda-ykdysady, maýa goýum, ulag-üstaşyr, nebitgaz pudaklarynda, “ýaşyl” energetikada, ynsanperwerlik we beýleki ugurlarda Azerbaýjan-Gruziýa strategik hyzmatdaşlygynyň ösüşine üns çekilip, kanagatlanma bildirildi.
Iki ýurduň arasyndaky özara bähbitli hyzmatdaşlygyň möhüm meselelerine aýratyn ähmiýet berildi.