Artem Dzýuba Russiýanyň futbolçylarynyň arasynda iň köp gol geçiren futbolçy boldy. Onuň futbol durmuşyndan geçiren gollarynyň sany 234-e deň boldy.
Häzirki wagtda Russiýanyň “Akron” toparynyň düzüminde çykyş edýän Artem Dzýuba rus çempionatynyň 20-nji tapgyrynyň çäklerinde “Krylýa Sowetow” toparynyň derwezesinden geçiren goly bilen rus futbolynda täze rekordyň eýesi boldy.
36 ýaşyndaky futbolçy gollarynyň sanyny 234-e ýetirdi. Mundan ozal, bu rekord 2017-nji ýylda futbol bilen hoşlaşan we 233 gol geçiren Aleksandr Keržakowa degişlidi.
Dzýuba – “Zenit” topary bilen 4 gezek Russiýanyň çempiony we Russiýanyň Superkubogynyň eýesi boldy. Ol bu topar bilen 2 gezek Russiýanyň kubogyny gazandy.
Ol gysga wagtlygyna Türkiýäniň “Adana Demirspor” toparynda hem çykyş etdi. Russiýanyň “Spartak” toparynyň ýetişdiren futbolçylaryndan bolan Dzýuba “Lokomotiw”, “Tom” we “Rostow” ýaly toparlarynda hem çykyş etdi.