Gazagystan Respublikasynda iş saparynda bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türki Döwletleriň Guramasynyň döwlet Baştutanlarynyň Geňeşiniň mejlisine gatnaşdy.
Gazagystanyň Prezidenti Kasym Žomart-Tokaýewiň kabul etmeginde geçirilen sammite Azerbaýjanyň Prezidenti Ilham Aliýew, Özbegistanyň Prezidenti Şawkat Mirziýoýew, Gyrgyzystanyň Prezidenti Sadyr Žaparow, Türkiýäniň Prezidenti Rejep Taýyp Ärdogan, şeýle hem Wengriýanyň Premýer-ministri Wiktor Orban gatnaşdy.
Guramanyň 10-njy ýubileý sammitinde birnäçe resminamalara gol çekildi. Gol çekilen resminamalar şeýle:
1. Astana akty;
2. Türki Döwletleriň Guramasynyň 10-njy sammitiniň Jarnamasy;
3. Döwlet Baştutanlarynyň Özbegistanyň Prezidenti Şawkat Mirziýoýewe “Türki dünýäsiniň ýokary ordeni” bilen sylaglamak hakyndaky çözgüdi;
4. Döwlet Baştutanlarynyň türki döwletleriň maliýe merkezleri derejesini bermek hakyndaky çözgüdi;
5. Türki hyzmatdaşlyk guramasynyp täze baýdagyny kabul etmek hakyndaky çözgüt;
6. Döwlet Baştutanlarynyň wezipä bellemek baradaky çözgüdi;
7. Türki Döwletleriň Guramasynyň Ykdysady Hyzmatdaşlyk Guramasyna synçy derejesini bermek hakyndaky çözgüt;
8. 6-njy fewraly Türki Döwletleriniň Guramasynyň betbagtçylykda we raýdaşlykda aradan çykanlary ýatlama güni hökmünde tassyklamak hakynda çözgüt;
9. Türki Döwletleriň Guramasynyň sekretariatynyň býujetini dolandyrmak düzgünleri boýunça çözgüt;
10. “Türki Döwletleriň Guramasynyň hemişelik wekilleriniň ýagdaýyny” işläp düzmek hakyndaky çözgüt;
11. Türki Döwletleriň Guramasynyň agza döwletleriniň degişli edaralarynyň arasynda metrologiýa ulgamynda hyzmatdaşlyk etmek hakyndaky teswirnama;
12. Türki Döwletleriň Guramasynyň döwletleriniň arasynda 2023-2027-nji ýyllarda ulag aragatnaşygy maksatnamasyny durmuşa geçirmek üçin bilelikdäki Hereketleriň meýilnamasy (Ýol kartasy).