The Times Higher Education World University Rankings 2024 sanawy neşir edildi. Bu sanawa dünýäniň 108 döwletinden 1904 ýokary okuw mekdebi girdi. Şugünki degişli habarda hem belläp geçişimiz ýaly, Ata Watan Türkmenistandan 9 sany ýokary okuw mekdebi sanawa “habarçy” derejesi bilen girdi.
Bilşimiz ýaly Türkmenistanyň Bilim ministrligi tarapyndan diplomy ykrar edilýän halkara ýokary okuw mekdepleriniň sanawy düzülende The Times Higher Education World University Rankings maglumatnamalary esas alynýar. Şeýle bolansoň, biz aýry bir habar bilen Türkmen talyplarynyň iň köp bilim alýan ýurtlaryň sanawlaryny aýratynlykda bereris. Şonda ilkinji nobatda Türkiýäniň täze sanawyny Size ýetireris.
Jemi iki müňe golaý ýokary okuw jaýyny özünde jemleýän sanawyň ilkinji iki ýüzlügine girýän, ýagny “Dünýäniň iň gowy 200 uniwersiteti” sanawyna iň köp Amerikanyň Birleşen Ştatlaryndan we Beýik Britaniýadan ýokary okuw mekdebi giripdir. Ilkinji 200-lik örän ähmiýetli, sebäbi dünýä derejesinde bilim aljak bolsaň, ilkinji 200-ligi hasaba almakda peýda bar. Elbetde ilkinji 500-lige girmek, hatda ilkinji 1000-lige girmek köp uniwersitet üçin uly abraý.
Dünýäniň iň gowy 200-ligine ýokary okuw mekdebi girýän ýurtlar:
- Amerikanyň Birleşen Ştatlary : Bu ýurtdan jemi 56 uniwersitet bu sanawa girýär,we ýurduň Kaliforniýa ştatynda ýerleşýän Stanford uniwersiteti sanawda ikinji orunda durýar. Dünýäniň iň gowy iki ýüzlüginiň dörtden biriniň ABŞ degişlidigini aýratyn bellemek gerek
- Beýik Britaniýa : Sanawda birinjiligi Beýik Britaniýanyň Oxford uniwersiteti alýar. Bu ýurtdan jemi 25 uniwersitet ilkinji 200-lige giripdir.
- Germaniýa : Bu ýurtdan jemi 21 ýokary okuw mekdebi ilkinji 200-lige giripdir. Şonda, Germaniýanyň iň gowy ýokary okuw mekdebi – Technical University of Munich sanawda 30-nji orny eýeleýär.
- Hytaý: Bu ýurtdan jemi 13 ýokary okuw mekdebi girýär we ýurduň Tsinghua University 12-nji orny eýelýär. Gong Hongdan 5 ýokary okuw mekdebiniň hem bu sanawda öz ornyny tapandygyny bellemek gerek. Şeýle hem Makaodan hem bir ýokary okuw mekdebi sanawa giripdir.
- Awstraliýa : University of Melbourne –ýokary okuw jaýy dünýäniň iň gowy 37-nji uniwersiteti bolan bu ýurtdan ilkinji 200-lige jemi 11 uniwersitet giripdir.
- Niderlandiýa : Bu ýurtdan hem jemi 11 uniwersitet ilkinji 200-lige giripdir we ýurduň iň gowy ýokary mekdebi Delft University of Technology ilkinji 48-lige girýär.
Sanawyň ilkinji 200-ligine şeýle hem, Kanadadan (8), Şweýsariýadan (7), Koreýa Respublikasyndan (6), Swesiýadan (6), Fransiýadan (5), Ýaponiýadan(5), Belgiýadan (4), Danimarkadan (3), Italiýadan (3), Singapurdan (2), Awstriýadan (1), Finlandiýadan (1), Irlandiýadan (1), Täze Zelandiýadan (1), Norwegiýadan (1), Russiýa Federasiýasyndan (1), Günorta Afrikadan (1), Ispaniýadan (1) we Taýlanddan (1) uniwersitetler giripdir.
Dünýäniň iň gowy 10 uniwersiteti
- University of Oxford- United Kingdom
- Stanford University- United States
- Massachusetts Institute of Technology-United States
- Harvard University-United States
- University of Cambridge-United Kingdom
- Princeton University-United States
- California Institute of Technology-United States
- Imperial College London-United Kingdom
- University of California, Berkeley-United States
- Yale University-United States
Türkmenistandan 9 ýokary okuw mekdebi halkara sanawa “habarçy” derejesi bilen girdi