Ispaniýanyň “Real Madrid” topary derwezeçisi Tibo Kurtuanyň şikes almagy bilen gysga wagtyň içinde Angliýanyň “Çelsi” toparynyň derwezeçisi Kepa Arrisabalagany düzümine goşdy. Bu derwezeçi 1 ýyllygyna kireýne alyndy.
Kepa bilen 2024-nji ýylyň 30-njy iýunyna çenli şertnama baglaşyldy. Şeýle hem şertnamada derwezeçini satyn almak mümkinçiligi hem göz öňünde tutuldy.
Şa toparynyň derwezeçisi Tibo Kurtua türgenleşikde şikes aldy we 2023/24-nji möwsümiň köp böleginde ýa-da tutuş möwsümde oýnamak mümkinçiliginiň kyndygy bellenildi.
Aslynda, Germaniýanyň “Bawariýa” toparyna geçmegi göz öňünde tutulýan Kepa ispan toparynyň teklibini dessin kabul etdi.
28 ýaşyndaky derwezeçi 2018-nji ýylda Ispaniýanyň “Atletiko Madrid” toparyndan “Çelsi” toparyna 80 million ýewro geçipdi.