Italiýanyň häzirki Prezidenti, 80 ýaşyndaky Seržo Mattarella ikinji möhlete saýlandy. Ýurduň parlamentinde prezident saýlawynyň 8-nji tapgyry geçirildi. Ozalky 7 tapgyrda Mattarelanyň oruntutaryny saýlamak başartmady.
8-nji tapgyrda ýurduň parlamentiniň iki palatasynyň bilelikdäki mejlisindäki ses berlişikde parlament koalisiýasyna girýän partiýalaryň ses bermegine mümkinçilik berildi.
Seržo Mattarella 7 ýyllyk prezident möhleti tamamlanmadan wezipesini wagtlaýyn tabşyrmak şerti bilen dalaşgärligini täzeden görkezdi. Şeýlelikde, ol gaýtadan saýlandy.
Mundan ozal, Italiýanyň taryhynda prezident ikinji möhlete diňe bir gezek saýlanypdy.
Saýlanan Prezident 3-nji fewralda kasam kabul eder. Italiýanyň Konstitusiýasynyň 83-nji maddasyna laýyklykda, prezident parlament tarapyndan saýlanýar. Parlamentiň mejlisinde ýurduň 20 sebitiniň ähli delegatlary gatnaşýar.
Ses bermäge gatnaşýan 1009 saýlawçynyň – 630 sanysy deputat, 321-si senator we 58-si sebitleýin delegatlardyr.
Döwlet Baştutany gizlin ses bermek arkaly sesleriň üçden iki bölegini alan ýagdaýynda prezidentlige saýlanýar.
1983-nji ýylda Mattarella ilkinji gezek parlamentiň düzümine saýlandy. 1989-nji ýylda Julio Andreottiniň hökümetinde bilim ministri boldy.
Mattarella saýlaw kanunçylygynyň esasy awtorlarynyň biridir, şonuň üçin bu kanunçylyk namasy Mattarellanyň hormatyna “mattarellum” diýlip atlandyryldy.
Ol 2011-nji ýylda Konstitusion kazyýetiň kazylygyna saýlandy. 2015-nji ýylda bolsa, Italiýanyň 12-nji Prezidenti boldy.