Hormatly Prezidentimiz ýurdumyzyň telekeçilik pudagynyň tapawutlanan işgärlerini «Türkmenistanyň Garaşsyzlygynyň 30 ýyllygyna» atly Türkmenistanyň ýubileý medaly bilen sylaglady.
Milli Liderimiziň gol çeken Permanyna laýyklykda, Türkmenistanyň Garaşsyzlygyny we özygtyýarlylygyny berkitmekde, ýurdumyzyň ykdysady kuwwatyny pugtalandyrmakda, önjeýli jemgyýetçilik işlerinde uly üstünlikleri gazanandyklary üçin, ösüp gelýän ýaş nesli Watana bolan söýgi we wepalylyk, mertlik, halallyk, ýokary ruhubelentlik sypatlarynda terbiýelemäge goşan uly şahsy goşantlaryny hem-de Garaşsyz döwletimiziň we mähriban halkymyzyň öňünde bitiren hyzmatlaryny, köp ýyllaryň dowamynda çeken halal we yhlasly zähmetini nazara alyp, şeýle hem Bitarap döwletimiziň beýik Garaşsyzlygynyň 30 ýyllyk şanly baýramy mynasybetli telekeçileriň bir topary sylaglandy.
Türkmenistanyň Senagatçylar we telekeçiler birleşmesiniň resmi saýtynda habar berlişine görä, milli Liderimiziň tabşyrygy boýunça Ministrler Kabinetiniň Başlygynyň orunbasary Ç.Gylyjow döwlet sylaglaryny dabaraly ýagdaýda gowşurdy.
Ýurdumyzyň söwda we telekeçilik pudagyna gözegçilik edýän wise-premýer ýurdumyzyň eskport mümkinçilikleriniň pugtalandyrylmagynda, şeýle hem ýurdumyzyň bazarlarynda haryt bolçulygynyň üpjün edilmeginde Türkmenistanyň Senagatçylar we telekeçiler birleşmesiniň agzalarynyň mynasyp goşandynyň bardygyny belledi.
ÝURDUMYZYŇ ŞU RAÝATLARY ÝUBILEÝ MEDALY BILEN SYLAGLANDY:
- Türkmenistanyň Söwda we daşary ykdysady aragatnaşyklar ministrliginiň Söwda-kooperatiw mekdebiniň mugallymy Hojamuhammet Muhammedow,
- «Altyn nesil» hojalyk jemgyýetiniň alyp baryjy inženeri Kakajan Täşliýew,
- «Ýigit» hojalyk jemgyýetiniň esaslandyryjysy Eziz Agamuradowiç Dowranow,
- «Ak-gaýa» hojalyk jemgyýetiniň direktorynyň orunbasary Şamurat Hojamowiç Apowow,
- Balkan welaýatyndan telekeçi Myratdurdy Sapardurdyýewiç Näzliýew,
- «Uly ynam» daýhan hojalygynyň esaslandyryjysy Merdan Baýramdurdyýewiç Atdaýew,
- Türkmenistanyň Senagatçylar we telekeçiler birleşmesiniň Lebap welaýaty boýunça bölüminiň müdiri Şöwket Ýagmyrowiç Kerimberdiýew,
- Lebap welaýatyndan telekeçi Alym Gurbandurdyýewiç Joraýew,
- «Erkin gurluşyk» hususy kärhanasynyň esaslandyryjysy Toýly Erkinowiç Çaryýew,
- Mary welaýatyndan telekeçi Guwançmyrat Tirkişowiç Orazow.
Şeýle hem Türkmenistanyň Senagatçylar we telekeçiler birleşmesi Täze ýylyň öňüsyrasynda ýubileý ýyly jemläp, önümçilik görkezijileir bilen tapawutlanan telekeçileri sylaglady. 40-a golaý telekeçi hormat hatlar we ýadygärlik sowgatlaryna mynasyp boldular.
S.Berdimuhamedow Lebap welaýatynyň bazarlaryny gözden geçirdi