Bu kesel pomidor ekýän döwletleriň köpüsinde, şeýle hem Türkmenistanda yzgarlylygy kadadan ýokary bolan şitilhanalarda duş gelýär. Gara kök çüýreme keseli itüzümler maşgalasyna degişli ösümlikleriň hemmesine ýokuşýar. Bu kesel, esasan, şitilhanada döreýär. Kesel şitiliň kök boýnunda döreýär. Keseliň dörän ýeri goňur reňkli bolýar. Şitiliň kök boýny inçelýär. Ösümlik öyjükleri turgor basyşyny ýitirýär, kök çüýreýär, iýmit maddalaryny geçirip bilmeýär. Netijede ösümlik süllerýär we guraýar. Gara kök çüýreme keseli ösümlik ekilenden soňra topragyň gapaklamagy, gury ekilmegi, geçirilýän agrotehniki çäreleriň ýaramaz bolmagy sebäpli döreýär. Bu keseli, esasan Ervina urugyna degişli bakteriýa we Pythiun debaryanum Hesse hem-de Rhizoctonia solani Kuchn. kömelekleri döredýär. Göreş çäreleri. Şitilhanalaryň içiniň ýokary çygly bolmagyna, açyk meýdanda şitillere aşa köp suw tutulmagyna we basdyrylyp suwarylmagyna ýol bermeli däl. Topragyň gapaklamagyna garşy göreş çärelerini geçirmeli.
GURBANGULYÝEW BAÝMYRAT,
S.A.Nyýazow adyndaky Türkmen oba hojalyk
uniwersitetiniň talyby