Türkiýe döwletinde ýerleşýän “Trendyol” elektron söwda kompaniýasy, “Delivery Point” programmanyň işe başlandygyny habar berýär. Eltip bermek nokadynyň kömegi bilen, müşderiler harytlaryny indi islän gününde we wagtynda bellenen gowşuryş nokadyndan alyp bilerler. “Trendyol” elektron söwda kompaniýasy müşderilere eltip bermek nokatlaryny hödürlär we saýlanan ýerli merkezlerde harytlary müşderilerine ýetirer. Mysal üçin müşderi bir haryt sargyt edýär, salgysyna öz öýüňiziň salgysyna derek, kompaniýa özüniň eltip bermek nokadyny hödürleýär, eger müşderi harydy gowşurylyş nokadyndan özbaşdak satyn alsa, onda müşderä kompaniýa tarapyndan 3 dollar arzanladyş talony berilýär.
Eltip bermek nokadyndan nädip peýdalanmaly?
Sargyt eden wagtyňyzda kompaniýa tarapyndan hödürlenen eltip bermek nokadyny saýlamaly. Haçan-da harydyňyz bellenen ýere gelende, onda müşderä SMS arkaly ýa-da elektron poçta arkaly habar beriler. Müşderiler şahsyýetini görkezmek bilen sargytlaryny 3 günüň dowamynda gowşuryş nokadyndan alyp bilerler.
Eltip bermek nokadyny saýlanymdan soňra salgymy üýtgedip bilerinmi?
Müşderiler eltip bermek nokadyny saýlandan soňra hiç hili ýagdaýda salgylaryny üýtgetmäge mümkinçilik berilmeýär.
Kimdir biri müşderiniň adyndan, gowşurylyş nokadyndan harydy alyp bilermi?
Harytlar diňe sargyt wagtynda alyjylar hökmünde görkezilen şahsyýetlere gowşurylýar. Beýleki adamlar müşderiniň adyndan baryp harydy alyp bilmeýärler. Müşderiler harytlaryny alan mahalynda özleriniň şahsyýetini anyklaýan subutnamasyny görkezmeli.
Eltip bermek nokadyny nireden tapmaly?
Eltip beriş nokatlary “Trendyol” kompaniýasynyň resmi saýtynda anyk görkezilýär. “Trendyol” kompaniýasynyň ýerine ýetiriji geňeşiniň agzasy Ozan Akar, Türkiýe döwletinde 2.500-den gowrak eltip bermek nokadyna ýetendiklerini, 2020-nji ýylyň ahyryna çenli bu sany 5.000 ýetirjekdikleri barada belläp geçdi.
Global pandemiýa şertlerinde Saglyk ulgamyna degişli habarlar dünýäniň ähli ýerlerinde iň köp okalýan habarlaryň biridir!
