Ýaş, zehinli hünärmenleriň onlarçasyny özüne birleşdirýän «Sanly ulgam» hojalyk jemgyýeti Türkmenistanda maglumat tehnologiýalarynyň integratory hökmünde tehnologik goldawyň we işewürligi goldamagyň giň gerimli hyzmatlaryny hödürläp, sanly tehnologiýa babatda döwlet syýasatynyň durmuşa geçirilmegine mynasyp goşant goşýar ― diýip, «Türkmenistan» gazeti habar berýär.
Hünärmenler kompýuter we innowasion tehnologiýalaryň işi, programma üpjünçiliginiň gurluşy bilen baglanyşykly toplumlaýyn hyzmatlary amal etmek bilen, dürli taslamalarda innowasion çözgütleri işläp taýýarlamaga we ornaşdyrmaga işjeň gatnaşýarlar.
Hojalyk jemgyýetiniň hünärmenleri tarapyndan işlenilip düzülen «Akylly öý» taslamasy kiçi we orta telekeçiligiň köpugurly işinde möhüm ähmiýetlidir.