Hüjümçi Kadzýoşi Miura «Ýokogama» kluby bilen şertnamasyny uzaltdy. Bu barada toparyň metbugat gullugy habar berýär.
Oýunçy bilen baglaşylan ylalaşyk bir möwsüm üçin niýetlenendir. Futbolçy Ýaponiýanyň üçünji güýçli diwizionynda çykyş edýän «Fukuşima Ýunaýted» klubynda kärende esasynda oýnar.
Miura 59 ýaşynda, ol 2005-nji ýyldan bäri «Ýokogamanyň» oýunçysydyr, mundan ozal ol Ýaponiýanyň «Sudzuka Point Getters», «Atletiko Sudzuka», Awstraliýanyň «Sidneý» we Portugaliýanyň «Oliweýrense» klublarynda kärende esasynda çykyş etdi.
Şeýle hem ol Braziliýanyň «Palmeýras», «Koritiba», «Santos», Zagrebiň «Dinamo» we Italiýanyň «Jenoa» toparlarynyň oýunçysy boldy. Miura Ýaponiýanyň iki gezek çempionydyr, şeýle-de ol Ýaponiýanyň milli ýygyndysynyň düzüminde 1992-nji ýyldaky Aziýa Kubogynyň ýeňijisidir. Önümizdäki möwsüm onuň karýerasynda 42-nji möwsüm bolar.