Türkiýäniň iň uly hem-de köp ilatly şäherleriniň biri bolan Stambulda 6,5 million adama sanjym edildi. Ýene-de 3 million adama sajym edilenden soňra köçelerde agyz-burun örtügini dakynmak düzgüni ýatyrylar.
Türk metbugatynyň habar bermegine görä, Türkiýede soňky döwürde köpçülikleýin sanjymda rekord goýulýar. Her gün diýen ýaly müňlerçe adam sanjym edilýär. Stambul şäherinde hem sanjym üpjünçiligi wagtynda amala aşyrylyp, 3 million adam ýene-de sanjym alan halatynda, iýul aýynda örtük dakynmak hökmanylygy aradan aýrylar.
Stambulyň häkimi Ali Ýerlikaýa 3 hepdäniň dowamynda 35 ýaşdan uly ýaşly adamlara sanjym edilmegini gazanmagy göz öňünde tutýandyklaryny belledi.
Stambulyň welaýat saglyk müdiri Prof. Dr. Kemal Memişoglu örtügi açyk howada, belli tomus möwsümde dakynmagy gowşadyp biljekdiklerini mälim etdi. Stambulda 9,5 million adama sanjym etmek gerek. Häzirki wagtda 6 million 531 müň adama sanjym edildi. 2,5 million adam sanjymyň 2 dozasyny hem aldy. Stambulda 2,5 million adam doly sanjymdan geçdi.
Türkiýede sanjym eden lukmanlara goşmaga zähmet haky tölenýär. 4 aý möhletde olara goşmaça haklaryň tölenmegi göz öňünde tutulýar.