Dünýä meşhur Oksford sözlügi hem beýleki sözlüklerden soňra ýylyň sözüni saýlady. Bu sözlük 2023-nji ýylyň sözi hökmünde “rizz” ýagny “özüne çekiji” diýen sözi saýlap aldy.
Oksford sözlügi tarapyndan geçirilen umumy pikir soraşma 30 müň adam gatnaşdy. 2023-nji ýylyň sözi sekiz sany sözüň arasyndan saýlanyp alyndy. Ses berişligiň dowamynda sözler dörde çenli azaldy, ýeňiji sözi bolsa, dil hünärmenleri saýladylar.
Köp sanly ýaşlaryň hem-de çagalaryň söýgüli kinosyna öwrülen “Möý adam” filminde surata düşen Tom Hollandyň “Rizz” sözüni ulanmagy bilen bu sözüň meşhurlygy has-da artdy. Tom Hollandyň söhbetdeşlikleriň birinde bu sözi ulandy we bu sözi ulanýanlary sany 15 essa ýokarlandy.
Jemgyýetçilik torlarynda we gündelik gepleşiklerde ýygy-ýygydan ulanmaga başlanan “Rizz” sözi etimologik taýdan “harizma” sözüniň gysgaldylan görnüşi hasaplanýar. Harizma şahsyýetiň intellektual we ruhy taýdan ýa-da başga bir görnüşde beýleki adamlaryň “ýüregine” täsir etmek ukybydyr.