Türkmenistanyň Prezidenti Serdar Berdimuhamedow Azerbaýjandaky saparyny tamamlandan soňra Ermenistanyň paýtagty Ýerewan şäherine bardy. Bu barada Ermenistanyň resmi habarlar gullugy habar berýär.
Türkmenistanyň Prezidentiniň uçary Ýerewanyň Zwartnots halkara howa menziline gondy. Halkara howa menzilinde Tükrmenistanyň Prezidentini Ermenistanyň Premýer-ministriniň orunbasary Mher Grigorýan we beýleki resmi adamlar garşylady.
Türkmenistanyň Prezidenti saparyň çäklerinde 16-njy oktýabrda Ýerewanda geçiriljek “COP17” Liderler Sammitine gatnaşar.
Bu sammite Ermenistan Respublikasynyň Prezidenti Waagn Haçaturyan, Premýer-ministr Nikol Paşinýan, Birleşen Milletler Guramasynyň Baş sekretary Antonio Guterreş, Gazagystan Respublikasynyň Prezidenti Kasym-Žomart Tokaýew, Täjigistan Respublikasynyň Prezidenti Emomali Rahmon, Gyrgyzystanyň Prezidenti Sadyr Japarow, Eýranyň Prezidenti Masud Pezeşkian we dünýäniň ençeme ýurdundan wekiller gatnaşýar.