Gazagystanyň Prezidenti Kasym-Žomart Tokaýew Merkezi Aziýa ýurtlary we Azerbaýjanyň haryt dolanyşygynyň möçberini 20 milliard dollara ýetirmäge gönükdirilen bilelikdäki hereketler meýilnamasyny kabul etmegi teklip etdi.
Tokaýew bu barada “Awaza” milli syýahatçylyk zolagynda geçirilen Merkezi Aziýa ýurtlarynyň we Azerbaýjanyň döwlet Baştutanlarynyň 8-nji Konsultatiw duşuşygynda çykyş etdi.
Ol 2025-nji ýylda sebit ýurtlarynyň arasyndaky söwda dolanyşygynyň takmynan 13 milliard dollara ýetendigini belläp, şeýle diýdi: «Bu döwletlerimiziň umumy söwda dolanyşygynyň takmynan 8 göterimine deň. Şonuň üçin hökümetlere bu görkezijini iň bolmanda 20 milliard dollara ýetirmäge, özara söwdanyň paýyny bolsa yzygiderli artdyrmaga gönükdirilen bilelikdäki hereketler meýilnamasyny işläp taýýarlamagy we kabul etmegi tabşyrmagy teklip edýärin».
Häzirki wagtda Merkezi Aziýa we Azerbaýjan Ýewraziýada ösüşiň we geosyýasy hyzmatdaşlygyň merkezleri hökmünde hakykatda ykrar edilýär.
Tokaýewiň bellemegine görä, doganlyk halklaryň paýhasynyň we agzybirliginiň netijesinde sebitde parahatçylyk we ylalaşyk saklanýar.
«Agzybirlik, özara goldaw we ynam döwrüň kynçylyklaryna bilelikde jogap bermäge mümkinçilik berýän umumy strategik daýanjymyza öwrüldi», diýip ol aýtdy.
«Şonuň üçin sebitimiziň mundan beýläk hem parahatçylygyň, durnuklylygyň we durnukly ösüşiň giňişligi bolup galmagy üçin ähli zerur çäreleri görmek möhümdir», diýip Tokaýew nygtady.