Gazagystanly tennisçi Ýelena Rybakina “Australian Open — 2026” ýaryşynda ýeňiş gazanyp, kuboga mynasyp boldy. Dünýäniň bäşinji raketkasy bolan gazagystanly tennisçi Ýelena Rybakina zenanlaryň arasynda ýekelikde geçirilen “Australian Open — 2026” ýaryşynda ýeňiş gazanyp, kubok bilen sylaglandy.
Final duşuşygynda Rybakina WTA reýtinginde birinji orny eýeleýän belarusly tennisçi Arina Sobolenkany ýeňmegi başardy. Duşuşyk 2 sagat 18 minut dowam etdi we 6:4, 4:6, 6:4 hasaby bilen Ribakinanyň peýdasyna tamamlandy.
Bu ýeňiş Rybakina üçin «Uly tuwulga» (Grand Slam) ýaryşlarynda gazanan ikinji kubogy boldy. Ol ilkinji uly ýeňşini 2022-nji ýylda Uimbldonda gazanypdy.
Ýaryşyň jemleri boýunça Ýelena Rybakina dünýä reýtinginde üçünji orna çykar.
Gazagystanyň Prezidenti Kasym-Žomart Tokaýew hem Ýelena Rybakinany gazanan bu ýeňşi bilen gutlady.