5G interneti Russiýanyň uçarlarynda 2027-nji ýylda elýeterli bolar. Şol ýyl ýurdumyzda hem emeli hemra interneti peýda bolar diýip, Russiýanyň sanly ösüş ministri Maksut Şadaýew «Birinji kanala» beren beýanatynda belläp geçdi.
“2027-nji ýylda emeli hemra interneti peýda bolar, uçarlarda hem internet elýeterli bolar” diýip, ol Russiýanyň uçarlarynda 5G aragatnaşyk haçan peýda bolar diýen soraga beren jogabynda belledi.
Mundan ozal ministr 2027-nji ýylda Russiýanyň çäginde giňden elýeterli internet üpjün etjek pes orbitadaky emeli hemra toparynyň 272 hemradan ybarat boljakdygyny, şeýle hem ýokary orbitada ulanyljak ilkinji aragatnaşyk hemralaryň 2026-njy ýylda uçurylyp başlanjakdygyny belläpdi.