Azerbaýjan Respublikasynyň daşary işler ministri Jeýhun Baýramow bilen Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň arasynda telefon söhbetdeşligi boldy.
Ministrler iki ýurduň arasyndaky häzirki gün tertibinde hyzmatdaşlygy pugtalandyrmak bilen baglanyşykly esasy meseleleri ara alyp maslahatlaşdylar. Ministrler iki halkyň arasynda gadymdan gelýän dost-doganlyk gatnaşyklarynyň Azerbaýjan bilen Türkmenistanyň arasyndaky hyzmatdaşlygyň esasynda mundan beýläk-de ösjekdigine ynam bildirdiler.
Iki ýurduň arasyndaky gatnaşyklaryň has-da ösdürilmeginde döwlet Baştutanlary derejesinde syýasy dialoglaryň, özara saparlaryň, şeýle hem Daşary işler ministrlikleriniň arasyndaky geňeşmeleriň ähmiýeti bellenildi.
Ministrler sebit howpsuzlygy, halkara guramalarynyň çäginde hyzmatdaşlyk, şeýle hem Hazar deňzi meselelerini ara alyp maslahatlaşdylar.
Telefon söhbetdeşliginiň dowamynda, özära gyzyklanma bildirilýän beýleki ikitaraplaýyn we köptaraplaýyn meseleler barada pikir alyşyldy.