Tatarystanyň Kazan şäherinde söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-tatar iş toparynyň mejlisi geçirildi. Oňa Türkmenistanyň maliýe we ykdysadyýet ministri Serdar Joraýewiň ýolbaşçylygyndaky wekiliýet Kazan şäherinde iş saparynda bolup, söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-tatar iş toparynyň mejlisine gatnaşdy.
“Tatneft” kompaniýasy Türkmenistanyň çäginde lukmançylyk polipropileniň önümçiligini ýola gýomak, şeýle hem lukmançylyk klasterinde erginleriň we lukmançylyk enjamlarynyň önümçiligini döretmäge gyzyklanma bildirýär. Bu barada türkmen-tatar iş toparynyň mejlisiniň barşynda kompaniýanyň Türkmenistandaky şahamçasynyň müdiri Ildar Burganow habar berdi.
– Biz türkmen tarapynyň teklibi boýunça Türkmenistanyň çäginde lukmançylyk polipropileniniň önümçiligini öwrenýäris. Türkmenbaşynyň nebiti gaýtadan işleýän zawodlar toplumynda poliporpileniň önümçilik mümkinçiligini üpjün etmek üçin goşmaça toplumyň gurluşygy zerur bolup durýar – diýip, tatar kompaniýasynyň wekili belledi.
Şeýle hem “Tatneft” kompaniýasy Arkadag şäherinde lukmançylyk klasterinde erginleriň we lukmançylyk enjamlarynyň önümçiligi boýunça hem gyzyklanma bildirýär.
Tatar kompaniýanyň Türkmenistandaky şahamçasynyň müdiri Ildar Burganow şu ýylyň ahyryna çenli Goturdepe ýatagynda nebitiň önümçiligini 800 müň tonnadan geçirmegi meýilleşdirýändiklerini aýtdy.