Dünýä belli “Apple” kompaniýasyny we ony esaslandyran Stiw Jobsy bilmeýän azdyr. Bu kompaniýanyň “iPhone” telefonlary tutuş dünýäde meşhurdyr. “Apple” kompaniýasyny esaslandyran Stiw Jobsyň öýi ABŞ-nyň Silikon jülgesiniň merkezi şäheri hem-de trillion dollarlyk gymmaty bolan Palo Alto şäherinde ýerleşýär.
Golaýda “Ata Watan Media” topary Stiw Jobsuň öýüne baryp gördi. “Akylly” telefonlary biziň gündelik durmuşymyza girizen Stiw Jobs Palo alto şäherinde ýaşapdy. Onuň ýaşan öýi häzirki wagtda köp sanly syýahatçylaryň gelim-gidimli ýeridir.
Palo Alto şäheri barada aýdylanda, bu şäher dünýä belli kompaniýalaryň, hususan-da, “HP”, “Google”, “Instagram” we “Facebook” ýaly jemgyýetçilik torlaryny özünde jemleýän “Meta” kompaniýasynyň hem ýerleşýän ýeridir.
Palo Alto “Makul sözlük” taslamamyzyň hem badalga alan şäheridir. Dünýäniň iň gowy ýokary okuw mekdepleriniň ilkinjileriň biri bolan Stenford uniwersiteti hem bu şäherde ýerleşýär. Tehnologiýa bilen bilimiň, netijede bolsa milliard dollarlaryň emele gelen şäherinde köçede ýöräp ýören wagtymyz, täze görnüşi çykypdyr diýip, soňky modelini alynmak üçin ýüzlerçe dollar harçlanylýan telefonlaryň we beýleki “akylly” hem-de “emeli aň” ulgamlary önümçiligiň merkezlerine duşmak mümkin.
Stiw Jobsuň sadaja öýi hem bu 70 müň ilatly sadaja şäherde ýerleşýär.