Siz mekdebi gutardyňyzmy? TOEFL-dan ýokary bal almakda kynçylyk çekýäňizmi? SAT barada eşitdiňizmi? Siz kollej derejesindäki akademiki okuw we ýazuw barada bilýäňizmi? Sizde Amerikanyň ýokary okuw jaýyna ýüz tutmak üçin nähili düzme ýazmalydygy barada soraglaryňyz barmy?
Bu barada ABŞ-nyň Türkmenistandaky ilçihanasy habar berilýär. Bellemek gerek, anketalar 2023-nji ýylyň ýanwar aýynyň 30-na sagat 17:00-a çenli ugradylmaly. Şol sebäpli bu maksatnama gatnaşmak isleýän dalaşgärler howlukmaly!
Amerikan geňeşlikleri Türkmenistanyň raýatlaryny Prep4Success maksatnamasyna gatnaşmaga çagyrýar:
- 18 hepdelik intensiw taýarlyk kursy Amerikan geňeşlikleriň Aşgabat ofisinde geçirilýär.
Bu kurslar ABŞ-nyň ýokary okuw jaýlaryna we kollejlerine girmek üçin gerekli bolan TOEFL/SAT synaglaryndan we akademiki okuw we ýazuwa ýokary derejedäki taýýarlykdan ybarat. Tejribeli maslahatçylar sizi ýokary derejeli kitaplaryň we usullaryň üsti bilen görkezilen ugurlar boýunça gönükdirerler.
Maksatnama gatnaşmaga isleg bildirýänler:
- Orta mekdebi tamamlan;
- Bakalawr derejesini almadyk;
- Türkmenistanyň we daşary ýurduň ýokary okuw jaýlaryna okuwa girmedik (hünär okuwyny gutaranlar gatnaşyp bilýärler);
- Orta we ýokary derejede Iňlis dilini bilýän;
- ABŞ-nyň ýokary okuw jaýlaryna we kollejlerine girmäge we okamaga bolan uly höwes we gyzyklanma bildirýän;
- 18 hepdelik intensiw kurslaryna gatnaşmaga höwesli;
- Kynçylyklara taýar bolmaly!
Anketa bukjasy: Ähli resminamalar HÖKMAN elektron poçta arkaly ugradylmaly.
- Doldurylan Prep4Success maksatnamasynyň anketasy PDF formatda (PDF 338KB);
- Orta mekdep okuw ýetişigi (atestat);
- Iňlis dilinde ýazylan we gol çekilen bir Hödürnama haty;
- Rezýume;
- Türkmenistanyň içerki pasportynyň nusgasy;
Ähli resminamalar DIŇE associatep4s@americancouncilstm.org poçtasyna 2023-nji ýylyň ýanwar aýynyň 30-na sagat 17:00-a çenli ugradylmaly. Doly maglumat almak üçin 36 90 16 (goş.113) belgi we associatep4s@americancouncilstm.org arkaly habarlaşyp bilersiňiz.
Diňe anketany dolulygyna dolduran dalaşgärler synaga çagyrylar.
Amerikada gysga wagtlyk okuw :çeper eser, drama, goşgy, ssenariýa ýazyjylary