UEFA-nyň aýrably ýaryşlarynyň biri hasaplanýan Çempionlar ligasynda iň köp gol geçiren topar Ispaniýanyň “Real Madrid” topary boldy.
Çempionlar ligasynyň 4-nji tapgyrynda Ukrainanyň “Şahtýor” toparyny 2:1 hasabynda ýeňen “Real Madrid” topary üçin bu duşuşyk taryhy duşuşyklaryň biri boldy. Geçirilen bu gollar “Real Madrid” toparyny Çempionlar ligasynda 1000 gola ýeten ilkinji topar derejesine çykardy.
Ispaniýanyň şa topary hasaplanýan “Real Madrid” bu gollary Çempionlar ligasynda we onuň saýlama tapgyrlarynda, şeýle hem ozal Ýewropa çempionlarynyň kubogy ady bilen geçirilen ýaryşlarda garşydaş toparlarynyň derwezesine girizdi.
Bu ugurda ikinji orunda 768 gol bilen “Bawariýa” hem-de üçünji orunda 655 gol bilen “Barselona” barýar.
“Real Madrid” toparynyň ilkinji goluny 1955-nji ýylda Migel Munos Şweýsariýanyň “Serwett” topary bilen geçirilen duşuşykda öz adyna ýazdyrdy. Toparyň 800-nji hem-de 900-nji ýubileý gollaryny Kristiano Ronaldo geçirdi.
Kristiano Ronaldo “Real Madrid” toparynyň 1000 golunyň 105 goluny öz adyna ýazdyrdy. Şeýlelikde onuň goşandy 10 göterime deňdir. Toparyň Çempionlar ligasyndaky 66 ýyllyk taryhynda 153 futbolçysy tapawutlanmagy başardy.
“Real Madrid” toparynyň 1000-nji we 1001-nji gollary Karim Benzema degişlidir.
Bilşimiz ýaly, Ýewropa çempionlarynyň kubogy ýaryşy 1955-nji ýylda badalga aldy. Bu ýaryş 1992-nji ýylda Çempionlar ligasy ady bilen dowam etdirildi.
Dünýä boýunça 2021-nji ýylda iň köp seredilen filmler