“Xiaomi” kompaniýasy akylly öýler üçin täze önüm hödürledi. Ol hem “Xiaomi Mi Smart Perde” atly akylly awtomatiki perdeler ulgamydyr. “Xiaomi Mi Smart Perde” ulgamy 10-njy iýundan soň, “Xiaonmu Youpin” köpçülikleýin maliýeleşdiriş platformasynda çykar. “Xiaomi Mi Smart Perde” magniý-alýumin garyndysyndan ýasalan üç metrlik demirýoly, perdeleri açmak we ýapmak üçin hereketlendiriji, şeýle hem magnitli uzakdan dolandyrmagy öz içine alýar. Hytaýda kompaniýa ulgamy mugt gurnamak üçin hyzmat berer we sargyt goýlandan soň, müşderi diňe gurnama wagty üçin perdeleri taýýarlamaly bolar. Ulgam daşky ýagtylyga ýa-da Günüň wagtyna baglylykda perdeler awtomatiki açylar we ýapylar ýaly düzülip bilner. Şeýle hem ulanyjylar “Mi Home” programmasy arkaly we ses buýruklaryny ulanyp, akylly perdeleri dolandyryp bilerler. Kompaniýa, elektrik togy bolmadyk halatlarynda hemperdeleri el bilen açyp we ýapmak üçin ähli zerur mümkinçilikleri döretdi.
“Akylly” perdeler peýda boldy
