Müsürli Mohamed Salah Angliýada ýylyň iň gowy futbolçysy diýen sylaga mynasyp boldy. Ol bu baýraga žurnalistleriň pikiri boýunça saýlandy.
“Liwerpul” toparynyň hüjümçisi bu babatda “Mançester Siti” toparynyň futbolçysy Kewin de Bruýneden we “West Hem” toparynyň futbolçysy Deklan Raýsdan öňe saýlanyp, 48 göterim ses aldy.
Futbol žurnalistleriň assosiasiýasy tarapyndan “ýylyň iň gowy zenan futbolçysy” Sem Kerr saýlandy.
Salah bu baýraga ikinji gezek saýlandy. Ol 2018-nji ýylda bu baýraga mynasyp bolupdy. Müsürli Angliýanyň futbol çempionatynda 31 duşuşykda 22 gol geçirip, 13 netijeli pas geçirdi.