Gazagystanyň Prezidenti Kasym-Žomart Tokaýew Merkezi Aziýa ýurtlarynyň we Aýlag döwletleriniň hyzmatdaşlyk geňeşiniň sammitine gatnaşar. Bu barada ýurduň Prezidentiniň metbugat gullugy habar berýär.
Gazagystanyň Prezidenti Kasym-Žomart Tokaýew 18-19-njy iýulda Saud Arabystanyda iş saparynda bolar.
– 18-19-njy iýulda Prezident Kasym Žomart-Tokaýew Saud Arabystany Patyşalygyna iş saparyny amala aşyrar we “Merkezi Aziýa-Aýlag döwletleriniň hyzmatdaşlyk geňeşiniň” döwlet Baştutanlarynyň sammitine gatnaşar – diýlip, metbugat beýanatynda bellenilip geçilýär.
Sammitiň çäklerinde birnäçe ikitaraplaýyn duşuşyklar göz öňünde tutuldy.