Lebap welaýatynda 35 sany atly ýigidiň gatnaşmagynda «Amul-Hazar» atly ýörişi badalga aldy. Bu barada “Türkmenistan” gazeti habar berýär.
«Garaşsyz, baky Bitarap Türkmenistan — bedew batly at-myradyň mekany» ýylyna bagyşlanan ýörişe gatnaşyjylar düýn Jeýhun ýakasyndaky şäheriň eteginden dabaraly ýagdaýda ugradyldy. Ýurdumyzyň ähli welaýatlaryna, Aşgabat we Arkadag şäherlerine wekilçilik edýän ýigitler, nesip bolsa, hemişelik Bitaraplygymyzyň şanly toýunda ajaýyp Awaza baryp ýeterler.
Atly ýigitler bu ýörişin dowamynda 1 müň 755 kilometre uzajak taryhy ýörişi amala aşyrarlar.
Hawa, dal bedewlere atlanan 35 ýigit gadymy Amulyň eteginden bahry-Hazara sary ýola düşdi. Nesip bolsa, bir aý çemesi wagtda menziller olary ajaýyp Awaza alyp barar.