ABŞ-nyň Prezidenti Argentinanyň, Portugaliýanyň we Angliýanyň milli ýygyndylarynyň kapitanlary bolan Lionel Messi, Kristiano Ronaldo we Garri Keýni «beýik futbolçylar» diýip atlandyrdy.
ABŞ-nyň Prezidenti Donald Tramp Argentinanyň, Portugaliýanyň we Angliýanyň milli ýygyndylarynyň kapitanlary Lionel Messiniň, Kristiano Ronaldonyň we Garri Keýniň dünýä çempionatyndaky çykyşlaryna ýokary baha berdi.
«Messi nähili ajaýyp oýun görkezýär! Ol Kanzas-Sitide geçirilen Argentinanyň we Alžiriň milli ýygyndylarynyň arasyndaky duşuşykda het-trik etdi. Meniň bilşime görä, het-trik futbol üçin örän seýrek ýagdaý» diýip, Tramp Manhettendäki “Trump Tower” binasynda geçirilen, Halkara Futbol Federasiýasynyň (FIFA) prezidenti Janni Infantinonyň hem gatnaşan çäresinde aýtdy.
«Beýik futbolçylar aýratyn zehin bilen dünýä inýärler. Ronaldonyň hem şolaryň biridigini bilýärin. Men ony tanaýaryn, ol örän gowy adam. Angliýada hem meniň bile golf oýnaýan ajaýyp futbolçym bar. Ol Garri Keýn. Ol bu çempionatda örän täsirli çykyş etdi. Meniň pikirimçe, ony goragda oýnatmak ýalňyşlyk boldy» diýip, ABŞ-nyň Prezidenti sözüniň üstüni ýetirdi.
ABŞ-nyň Prezidenti Donald Trampyň Argentina bilen Ispaniýanyň arasynda geçiriljek final duşuşygyna gatnaşjakdygy mälim edildi.