Halkara ynsanperwer ylymlary we ösüş uniwersitetiniň binasynda VI Açyk halkara matematika olimpiadasy öz işine başlady. Bu intellektual bäsleşik ýokary okuw mekdepleriniň arasyndaky akademiki gatnaşyklary berkitmäge we takyk ylymlar ugrunda zehinli ýaşlary goldamaga gönükdirilendir.
Açylyş dabarasy myhmanlary uniwersitetiň eýwanynda guralan uniwersitetiň gazanan üstünlikleriniň sergisi bilen tanyşdyrmakdan başlandy. Ýokary okuw mekdebiniň rektory gatnaşyjylara gutlag sözi bilen ýüzlendi. Resmi çykyşlardan soňra gatnaşyjy toparlary tanyşdyrmak çäresi geçirildi.
Şu ýyl olimpiada 9 döwletiň wekilleri gatnaşýarlar. Gatnaşyjylaryň umumy sany aşakdaky ýaly:
-
240 adam — daşary ýurtly wekiller hem-de Merkezi Aziýanyň, Ýewropanyň we beýleki sebitleriň ýokary okuw mekdepleriniň talyplary;
-
400 adam — Türkmenistanyň ýokary okuw mekdepleriniň wekilleri we talyplary.
Bäsleşikler bäş gün dowam eder we her bäsleşik tapgyrynyň dowamlylygy 5 sagat bolar. Olimpiadanyň jemleri we ýeňijileri sylaglamak dabarasy 28-nji martda geçiriler.