Sarp edijiler üçin maglumat howpsuzlygy we şahsy durmuş goragy boýunça ýöriteleşen HIROH kompaniýasy 2026-njy ýylyň 6–9-njy ýanwary aralygynda Las Wegasda geçirilýän dünýäniň iň iri tehnologiýa sergisi CES 2026-da öz täze smartfonyny resmi taýdan tanyşdyrýar.
HIROH tarapyndan hödürlenýän täze telefon /e/OS (Murena) operasion ulgamy bilen işleýär we gündelik ulanyşa laýyk, emma fiziki derejede üpjün edilen ýokary derejeli gizlinlik goragy bilen tapawutlanýar. Kompaniýanyň bellemegine görä, bu enjam premium smartfonlaryň mümkinçiliklerine eýe bolup, şol bir wagtda bazardaky köp enjamlardan tapawutlylykda hakyky hardware derejesindäki gizlinlik goragyny üpjün edýär.
Fiziki gizlinlik dolandyryşy
HIROH telefonynyň esasy aýratynlyklarynyň biri — iki sany fiziki kill switch ulgamy. Bir switch mikrofon bilen kamerany doly öçürýär, ikinji switch bolsa GPS, Wi-Fi we Bluetooth baglanyşyklaryny fiziki taýdan aýyrýar. Bu gurluş uzakdan gözegçilik etmegi ýa-da rugsatsyz yzarlamany mümkin däl edýär.
Kompaniýanyň maglumatyna görä, telefon “secure mode” ýagdaýynda-da doly ulanylýar we goraglaryň işjeňdigini görkezýän fiziki indikator bilen üpjün edilýär.
Operasion ulgam boýunça saýlaw
HIROH ulanyjylara iki görnüşli operasion ulgam saýlamagy hödürleýär:
Murena /e/OS — Google hyzmatlaryndan doly arassalanan (de-Googled) gizlinlik çözgüdi
Android 16 — giň laýyklyk we adaty Android tejribesi üçin
/e/OS ulanylanda-da, ulanyjylar üçünji tarap programmalara we Android ekoulgamyna girip bilýär, şol bir wagtda telefonyň fiziki howpsuzlyk mümkinçilikleri saklanýar.
Global ulanyş we tehniki aýratynlyklar
HIROH telefony dünýäniň ähli torlarynda işleýän, doly açyk (unlocked) enjam bolup, iki ýyllyk kepillik bilen üpjün edilýär. Enjam 2026-njy ýylyň mart aýynda eltip bermek şertleri bilen satuwa çykarylýar.
HIROH CES 2026-da
HIROH CES 2026 sergisinde Venetian Expo, Hall G, Eureka Park bölüminde, 62061-nji stendde myhmanlary kabul edýär. Kompaniýa maglumat howpsuzlygy, fiziki gizlinlik goragy we sarp edijiler üçin ygtybarly aragatnaşyk çözgütlerini ýerinde görkezýär.
HIROH-nyň bellemegine görä, bu täze smartfon maglumatlaryň söwdalaşylýan döwründe ulanyjylara doly gözegçilik we ygtybarlylyk bermek maksady bilen döredildi.