2025-nji ýylyň 6-njy iýunynda Türkmenistanyň daşary işler ministri Raşid Meredow Merkezi Aziýa ýurtlarynyň daşary işler ministrlikleriniň ýolbaşçylarynyň Hindistanyň Premýer-ministri Narendra Modi bilen geçirilen duşuşygyna gatnaşdy.
Duşuşykda ikitaraplaýyn gatnaşyklaryň esasy faktorynyň iň ýokary döwlet derejesinde döredilen açyk we konstruktiw gepleşikdigi bellenildi.
Şu nukdaýnazardan Türkmenistanyň daşary işler ministri Hindistanyň Premýer-ministrine Türkmenistanyň Prezidentine we Türkmen halkynyň Milli Lideri, Türkmenistanyň Halk Maslahatynyň Başlygynyň salamy we iň gowy arzuwlaryny ýetirdi.
Ykdysady nukdaýnazardan Türkmenistan bilen Hindistanyň söwda möçberini ýokarlandyrmak, maýa goýumlaryny artdyrmak we ulag, energiýa, senagat, ýokary tehnologiýa, saglygy goraýyş hem-de derman önümleri ýaly pudaklarda bilelikdäki taslamalary durmuşa geçirmek üçin ägirt uly mümkinçilikleriň bardygy bellendi.
Esasanam Türkmenistan-Owganystan-Pakistan-Hindistan (TAPI) gaz geçiriji taslamasyny durmuşa geçirmegiň we bu ugurdaky işleri dowam etdirmek üçin zerur itergi berildi.
Mundan başga-da, Türkmenistanyň we Hindistanyň esasy ulag arabaglaşyklaryny birleşdirmek Ýakyn Gündogar, Hazar sebiti we Ýewropa bilen halkara logistika hyzmatdaşlygyny ösdürmegiň özenine öwrüler. Bu meselede Demirgazyk-Günorta halkara ulag geelgesine aýratyn üns berilýär.
Duşuşygyň ahyrynda Türkmenistanyň Hindistan bilen syýasy we diplomatik gatnaşyklaryny has-da giňeltmäge, şeýle hem söwda we ykdysady hyzmatdaşlygy çuňlaşdyrmaga hem-de ynsanperwer alyş-çalyşlary güýçlendirmäge taýýardygy bildirildi.