Gysga wideo döretmek we görmek hyzmatyny hödürleýän TikTok ABŞ-da petiklenenden bir gün soň, işini gaýtadan dikeltmäge başlady. Bu barada TikTok-yň X sosial torundaky resmi hasabynda mälim edildi.
19-njy ýanwaryň gijesi TikTok ABŞ-da işlemegini bes etdi. Ulanyjylara programmanyň täze kanun sebäpli elýeterli däldigi barada bildiriş görkezildi. Şeýle-de bildirişde Trampyň “TikTok-y yzyna getirmegi” maksat edinýändigi hem bellenilip geçildi.