ABŞ-nyň ozalky daşary işler ministri Genri Kissinjer 100 ýaşynda aradan çykdy. Bu barada “Kissinger Associates” guramasy habar berdi.
Diplomatiýanyň grossmeýsteri hökmünde kabul edilýän Dr. Genri Kissinjeriň Konnektikutdaky öýünde aradan çykandygy habar berildi.
Kissinjer ABŞ-nyň iň bir meşhur döwlet işgärleriniň biridir. ABŞ-nyň hem-de dünýäniň köp sanly ýurdunyň döwlet ýolbaşçylary onuň bilen yzygiderli syýasy maslahatlaşmalar geçirdi. Ol 1977-nji ýylda döwlet işini tamamlapdy.
Dünýäniň metbugat serişdeleri Kissinjeri “diplomatiýanyň grossmeýsteri”, “dünýä belli maslahatçy” we “daşary syýasatyň öňdebaryjysy” hökmünde atlandyrýar.
“ Foreign Policy” žurnaly tarapyndan 2015-nji ýylda geçirilen pikir soraşmada, Genri Kissinjer soňky 50 ýylda ABŞ-nyň iň netijeli döwlet sekretary, ýagny daşary işler ministri derejesine eýe boldy.