Meksikanyň Gwadalahara şäherinde geçirilýän agyr atletika boýunça dünýä çempionatynda ýene-de bir ildeşimiz kümüş medal gazandy. Ol hem Şahzadbek Matýakubowdyr.
Şahzadbek Matýakubow 96 kg agramda çykyş edip, umumylykda 367 kg agramy galdyryp, bu çempionatyň kümüş medalynyň eýesi boldy. Bu ýaryşda altyn medaly Eýranyň türgeni Alireza Nasiri gazandy. Ol umumylykda, 371 kg agramy galdyrdy.
Bäsleşikde baýrakly ornuň üçünji ornuna Ýaponiýadan Masasi Nisikawa çykyp, ol hem 362 kg agram göterdi.
Meksikanyň Gwadalahara şäherinde geçirilýän dünýä çempionaty 15-nji noýabrda başlady we 23-nji noýabrda tamamlanýar. Oňa 44 döwletden 229 türgen gatnaşýar.