Ýewropada Howpsuzlyk we Hyzmatdaşlyk Guramasynyň (ÝHHG) häzirki başlygy, Demirgazyk Makedoniýanyň daşary işler ministri Buyar Osmani Türkmenistanda saparda bolar. Bu barada ýurduň daşary syýasat edarasy habar berýär.
Şu gün Türkmenistan gelýän ÝHHG-niň başlygy Buýar Osmani Türkmenistanyň Prezidenti Serdar Berdimuhamedow, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow, Mejlisiň Başlygy Dünýägözle Gulmanowa we daşary işler ministri Raşid Meredow bilen duşuşyklar geçirer.
Şeýle hem Buýar Osmani ÝHHG-niň Aşgabatdaky merkezinde bolup, onuň işgärleri bilen duşuşar.